Poliflw

Tijdens een goedbezochte Algemene ledenvergadering van de PvdA Opsterland op 20 december 2017 werden het verkiezingsprogramma en de kandidatenlijst voor de gemeenteraadsverkiezingen op 21 maart 2018 vastgesteld.

Het verkiezingsprogramma

“Doarpen oan set; wij dogge it oars” is de rode draad van het verkiezingsprogramma. De gemeente moet zich meer laten leiden door dorpsinitiatieven. Niet de regels, maar de bedoelingen zijn de baas. Als dorpen denken dat ze het beter kunnen dan de gemeente, dan mogen ze de gemeente uitdagen. Het programma is een soort manifest en is geschreven vanuit sociaaldemocratische waarden (solidariteit, de sterkste schouders dragen de zwaarste lasten en opkomen voor kwetsbare mensen in de samenleving) Daarnaast worden verder vier belangrijke pijlers voor de toekomst uitgeweerkt:

Tijdens de vergadering werd een aantal amendementen ingediend. Deze worden nu verwerkt door de campagnecommissie. Daarna wordt de definitieve versie op onze website geplaatst.

De kandidatenlijst

De kandidaatstellingscommissie, bestaande uit Frouk Fransen, Pieter de Kroon en Maarten Ruys, presenteerde de kandidatenlijst. De lijst werd unaniem door de Algemene Ledenvergadering overgenomen.

Roel Vogelzang uit Beetsterzwaag werd gekozen tot lijsttrekker voor de gemeenteraadsverkiezingen in maart. Hij is nu ook fractievoorzitter van de PvdA in de gemeenteraad. Als tweede op de lijst staat Libbe de Vries uit Frieschepalen. Hij is nu ook raadslid. Op nummer 3 staat een nieuwe kandidaat Ernst Jan Roos uit Nijbeets. Op nummer 4 staat Joke Brouwer uit Bakkeveen. Zij heeft eerder in de gemeenteraad gezeten. De vijfde plaats is voor Jan Harmsma uit Beetsterzwaag, die nu ook in de gemeenteraad zit. De plaatsen 6 en 7 worden ingenomen door Dominic Ogugua uit Luxwoude en Linda de Beer uit Terwispel.

Het bericht Kandidatenlijst PvdA Opsterland vastgesteld verscheen eerst op PVDA Opsterland.

Foarsitter, leden fan de rie, kolleezje, griffier, amtners en ynwenners fan ús gemeente

De tiid hâldt gjin skoft. Dit jildt grif foar minsken dy’t al wat âlder binne. Ik hear ta dizze kategory. Dat is dan ek de reden dat dit myn lêste algemiene skôgingen binne. Ik sil efkes koart wêrom sjen en wat de takomst oanbelanget in pear stiennen yn de fiver smite. Yn de wike dat ik wat neitocht oer “myn swannesang” barden der twa dingen. It kabinet Rutte III kaam nei bûten mei it nije Regearakkoord en Eberhart van der Laan stoar. Rutte III praat de minsken fertrouwen yn de takomst oan. Mar it makket nochal wat út hokker minsken dat fertrouwen ha meie. Grif de minsken mei hege ynkommens, de minsken dy’t dividint barre en de grutte multynasjonale bedriuwen. Mar Jan mei de Pet? AOW-ers mei in lyts pensjoen? Minsken dy’t libje moatte fan in útkearing? Dy fiele de BTW-ferheging fan 6 oant 9% elke wike by it dwaan fan boadskippen. Dit wurdt it kabinet fan “elkenien foar jinsels en God foar ús allegearre”.

En dan Eberhart v.d Laan. Foar de twadde kear ha ik mei iepen mûle sjoen nei “Zomergasten.” Syn útgongspunt by alles wie: “wy moatte de fraachstikken fan dizze stêd oplosse troch in dialooch”. En de wize wêrop Van der Laan it polityk bedriuwen op ynhâld ôfsette tsjin de politike spultsjes en it inoar miggen ôffange, wie my út it hert grypt. It is ek de wize wêrop de PvdA yn Opsterlân de ôfrinne perioade polityk bedreaun hat. Altyd op syk nei de ynhâld. Wy wolle dizze wurkwize graach trochjaan oan de nije PvdA-fraksje yn dizze rie.

As wy wêrom sjogge nei it ôfrinne jier dan springe in pear saken yn it each. Yn it foarste plak hoe kliemsk (stroperich) prosessen ferrinne yn Opsterlân. As wy net útsjogge wurdt de diskusje oer it MFA yn de Gordyk foar de twadde kear oer de ferkiezingen hinne tilt. Want in goed antwurd op de definitive kar kin net sûnder in goede evaluaasje fan it Húsfestingsplan en ynsjoch yn de nije learlingenprognoses. Dit noasket ús net, mar as skot foar de boech: de kant dy’t op driget te gean mei miskien trije aparte gebouwen en in synergyferhaal as ‘doekje voor het bloeden’ noasket ús ek net. Mar misskien is de wethâlderswiksel wol goud wurdich. De fraksjefoarsitter fan OB skriuwt foar de simmerfakânsje in brief oan de rie om Anko Postma te presintearjen as nije wethâlder. Mar die brief is yn wêzen in lofsang op wethâlder Pyt van Dijk. Oer Postma wurdt allinne sein dit it in ferbiner is en in boeresoan . Dat wurd ‘boeresoan’ komt op de jûne fan de ynstallaasje op ‘e nij twa kear foarby. Ek út de mûle fan wethâlder Postma sels. Dat makke ús oan it skrikken. Wethâlder Kooistra is ek in boeresoan, mar wy ha dêr nea immen oer heart. Wurdt de boeresoan no de standert om kolleezjelid te wurden? En hoe sit it dan mei boeredochters? De heit fan de takomstige kandidaat-wethâlder fan de PvdA hie trije kninen en in geit, mar is dat foldwaande? Ús fraksje pleitet derfoar -mei alle natuer en bosken yn ús gemeente- dat op syn minst ek bern fan boskwachters troch de ballotaazje komme yn in folgjend kolleezje.

Spitigernôch is ús stribjen om de fersnippering yn dizze rie tsjin te gean net slagge. Ek op dit mêd woe elkenien foar himsels gean. Ik hoopje dat de kiezer yn maart dat net ferjitten is en tinkt, as elkenien foar himsels gean wol, dan giet de PvdA wol foar ús allegearre. Dat wy foar dy progressive gearwurking ús nekke útstutsen ha wie net allinne ynjûn troch efficiency, mar ek omdat de útdagingen fan de takomst freegje om in stevich sosjaal en progressyf lûd. Dat jildt foar in lokale klimaatwurklist en de ontwikkelwurklist op it mêd fan it sosjaal gebiet. Mar dat jildt ek foar de wize wêrop wy dizze gemeente bestjoere wolle. As de rie fan Opsterlân de ‘krêft fan de mienskip’ serieus nimt dan moatte wy net hingjen bliuwe yn papieren kantelingstheorieen, mar dan sille wy it lef ha moatte om boargers, bedriuwen en it maatschippelyk middenfjild it rjocht te jaan om it better te dwaan en ús as gemeente út te dagen. Mei moaie wurden hyt dit ‘right to challenge’. Dat besparret jild en burokrasy. Dat jild kin dan wer brûkt wurde yn doarpen en strjitten wêr’t boargers taken fan de gemeente oernimme. It ferheget de belutsenheid fan boargers by harren direkte omkriten.

As it giet om oars bestjoere, moatte de koalysjebesprekkingen yn it foarjier wat ús oanbelanget yn it iepenbier plak fine. OB sil it der grif mei iens wêze want OB tsjinne yn febrewaris fan dit jier al in amendemint yn oer it iepenbier gearkommen fan it Presidium, mei as taljochting dat net allinne politike beslútfoarming iepenbier wêze moat, mar ek it proses dat liedt ta beslútfoarming. Noch leaver sjogge wy in riedsprogramma, wêrtroch wy it dualistysk karakter fan de rie noch fierder fersterkje kinne. Wy binne de ôfrinne jierren al op de goede wei. By it yntegriteitsdebat hat de PvdA dêrfoar al in tal ideeën nei foaren brocht. By dat riedsprogramma sykje wy wethâlders dy’t it riedsprogramma útfiere. Net de politike kleur fan de wethâlders is dan bepalend, mar har kwaliteit en it fertrouwen wat de rie yn dy minsken hat. It kin dan samar foarkomme dat de Christen Unie en de PvdA tegearre ien kandidaat leverje. It soe ek samar kinne dat de PvdA en Opsterlanders Anko Postma kandidaat stelle as wethâlder. Hy is ommers -ek nei eigen sizzen- de meast linkse wethâlder dy’t Opsterlân hat of hân hat. No bestiet links en rjochts hjoed de dei allinne noch yn it ferkear, mar hawar hy is wol in boeresoan. Dat skeelt foar ús dan wêr it sykjen nei in boeredochter op de kandidatelist fan de PvdA. Mar alle gekheid op in stokje, de kearn fan dit betooch is dat wy mei in riedsprogramma -yn de wurden fan Eberhart van der Laan- miskien de problemen fan Opsterlân troch dialooch en gearwurking better oplosse kinne. En dêrmei kinne wy de demokrasy ek noch ris in tsjinst bewize. It mei dúdlik wêze dat politisy dy’t mear hâlde fan politike spultsjes en efterkeammerkes hjir net bliid fan wurde. De tiid sil it leare, mar dy tiid hâldt gjin skoft. Pak de kâns om ek kwa bestjoersstyl Opsterlân op de kaart te setten!!

Wy sjogge de begrutting 2018 as in oergongsbegrutting. Troch in boekhâldkundige “truc” is der mei prekario-opbringsten út 2012 en 2013 loft yn de begrutting pompt. As dat net bart wie dan hie de begrutting 2018 in tekoart hân fan € 180.000. En sels mei dit tekoart hie it kolleezje de rie foarstelt om de OZB mei 4,1% te ferleegjen. Dat hie dan ta koste gien fan in folgjende greep yn de algemiene reserves. Foar ús heart dat yn de kategory ‘Kannie waar zijn’. Wy hiene folle leaver hân dat dit bedrach fan € 171.000 in kollektive bestimming krigen hie. En it mei wat ús oanbelanget ik reservearre wurde foar in winsk dy’t wy ha om yn de takomst mear te ynvestearjen yn frijwilligerswurk. Wy tsjinje hjir daliks in moasje oer yn. Want litte we wol wêze. It werom jaan fan dy pear euro yn de moanne oan besitters fan in eigen hûs heart yn de kategory ‘polityk winsklik’. Us ôfwaging by it ynsetten fan kollektyf jild sil altyd wêze of it maatskiplik relevant is. Maatskiplik relevant binne dy saken wêr minsken fan wekker lizze. Dat giet oer bern dy’t opgroeie yn earmoed, dy’t moarns mei in lege mage nei skoalle fytse . Dat giet oer âldere minsken dy’t iensum binne. It is it ferskil tusken eigen belang (OZB ferleegje) en maatskiplik belang. It makket dúdlik dat in oerheid dy’t syn sosjale fearren noch net ferlern hat, kieze moat foar ús allegearre. En dat in oerheid earlik en betrouber wêze moat. Omdat it hjir giet om in oergangsbegrutting hoopje wy it oare jier op nije kânsen. Wij sille daliks (mei út namme fan in tal oare partijen) twa amendeminten yntsjinje; ien oer de Rekkenkeamer en ien oer de besuniging op doarpshuzen.

Ta beslút foarsitter

Tank oan alle minsken dy’t wurke ha oan dizze begrutting. Ek tank oan it kolleezje, de griffier, de bodetjinst en de leden fan dizze rie, dy it mooglik meitsje ús wurk te dwaan.

Roel Vogelzang, fraksjefoarsitter PvdA

Het bericht Algemiene skôgingen PvdA Opsterland 2017: “Elkenien foar jinsels….. en wa dan foar ús allegearre? verscheen eerst op PVDA Opsterland.

Foarsitter, leden fan de rie, kolleezje, griffier, ambtners en ynwenners fan ús gemeente dy ús folgje

Hielke de Vries, respektearre lid fan dizze ried, fanôf dit plak fan harte betterskip winske. It wie Hielke dy by de algemiene skôgings fan 2015 de foarsizzing die dat 2016 -yn de Sjineeske jiertelling it jier fan it skiep- in jier wurde soe fan grûtmoedichheid en rêst en soarch foar oare minsken. As we sjoche nei de wrald om us hinne dan binne der in protte minsken dy noch nea heard ha fan it jier fan it skiep

En ek yn de gemeenteried fan Opsterlân wie der yn 2016 in debat mei in rourândsje: it yntegriteitsdebat yn maart. It like derop dat de koalysje en de opposysje twa wrâlden  fertsjinwurdigden. It docht sear dat der troch de koalysje en it kolleezje hielendal net yngien is op konstruktive ideeen fan de opposysje. Wy sizze dit net om yn wrok wêrom te sjen. Wy sizze dit alinne om ûs gefoel te markearjen. Wy moatte mei elkoar fjierder: en de PvdA-fraksje makket diel ût fan de syktocht nei wat it bêste is foar de boargers fan Opsterlân.

Twa wrâlden sei ik krekt. Op de grêfstien fan de urnenkelder fan Floor Wibaut (âld PvdA-wethâlder fan Amsterdam) is de folgjende tekst beitele. “Er is maar 1 land – onze aarde. Er is maar 1 volk – de mensheid. Er is maar 1 geloof – de liefde”. Wat in wiisheid en dat 80 jier nei syn ferstjerren. Die wurden kinne my elke dei ontroere. It binne wurden dy it kompas wêze kinne nei it hoopjen op bettere tiiden. Want dy bettere tiiden binne hurd nedich. It fertrouwen fan minsken yn de polityk en polityke systemen raant flugger as iiskappen op de Noordpoal.

Mar litte wy op syn minst ûs best dwaan it fertrouwen fan boargers yn it gemeentebestjoer fan Opsterlân te winnen of te herwinnen. Dat kin troch dûdelike  komminukaasje, troch minsken serieus te nimmen en net wei te setten as seurpieten. Dat kin troch earlikheid, basearre op it útgongspunt dat wat sein en beloofd wurdt yn oerienstimming is mei wat wy dogge. As it gemeentebestjoer yn de begrutting skruiwt: “we hebben ervoor gekozen bij de bezuinigingen preventieve activiteiten te ontzien om de sociale en maatschappelijke schade zo beperkt mogelijk te houden” en der wurdt dan wol besunige op doapenbelied, ,doarpshûzen en kultuer , dan “wringt” dat. As it adagium fan in partisipaasje-maatskippy is dat elkenien meidwaan moat yn dizzze maatskippy en der wurdt toch besunige op de WMO, op frijwilligersstipe en doarpssteunpunten dan wringt dat. En as yn it koalysjeakkoord stiet dat der net fjierder besunige wurdt op kultuer en jo wurkje yn of foar de kultuer-edukaasje of it bibliotheekwurk dan wringt dat ek.

Mei it kolleezje boargers misliede? De kop fan it parseberjocht oer de begrutting 2017 is: “Geen lastenverzwaring voor burgers”. In protte minsken dy dit lêze, lizze de krant wei en tinke gelokkich wy libje yn in finansjeel soene  gemeente. Sy kinne wêr rêstich fierder sliepe en hoege har net mear drok te meitsjen oer de begrutting. Mar de wurklikheid is hiel oars. Hoe sa gjin lestenferswiering foar boargers? Dy boargers betelje yn de tariven foar stream en wetter wol moai 1, 7 miljoen Prekariobelasting op kabels en liedingen. Dat is mear as in bytsje OZB-ferheging . Ik kom dêr noch op werom. Hoe sa gjin lestenferswiering foar boargers? De besunigingen dy it kolleezje kiest, soargje der krekt wol foar. Ferheging fan de eigen bydrage yn it WMO-ferfier, de WMO-fergoeding eigen auto, it gymnastykferfier, de kultueredukaasje, of it biblioteekwurk. It binne allegearre foarbylden fan lestenferswiering foar boargers.

Yn de startnotitie stiet as wichtigste doel fan de begrutting 2017 dat dy structureel slutend wêze moat. Dat is net it gefal. Der wurdt foar de safolste kear troch dizze koalysje in greep yn de reserves dien. En dy reserves stean al onder druk. Der is de lêste jieren yntarre troch jierlykse finansjele tsjinfallers, dy  ôfdekt wurde moasten of dy reserves binne “opstookt” yn grutte projekten. Is dat lêste slim? Nee seker net as boargers dêrfoar goede foarsjennings (sa as it IHP en MFA’s) werom krije. Oer in soad fan dy grutte projekten wiene wy it hjir yn de ried ek iens. Wy ha dy ynfestearrings dien foar de lokale mienskip. En dêr meie wy dochs ek wat foar werom freegje fan ús boargers? Ien trâns OZB-ferheging  skoarde ridlik heech yn de begruttingswizer. Fuortendaliks dwaan soene wy as PvdA sizze. Belesting is in middel om winsken fan boargers te realisearjen. Boppedat drage dan net alinne doelgroepen sa as brûkers fan de WMO, de kultuer-edukaasje en it ûnderwiis by oan de besunigings mar krekt alle hûseigeners. It is in  kar wêrby de sterkste skouders de swierste lêsten dragen. En wêr hawwe we it eins oer by sa’n OZB-ferheging? De ferheging betsjut foar eigeners fan in trochsneed wenning in ekstra lêst fan 2 euro yn de  moanne. Dêr kinsto op gjin inkeld terras yn Opsterlân in pilske foar keapje. As we dat fergelykje mei de ferheging fan de eigen bijdrage yn it WMO-ferfier dan is dat in ferheging fan omtrint 40%. In brûker betellet dan by ien ritsje fan 50 kilometer € 3,50 mear foar dy rit. Ũnbegryplik dat it kolleezje wei rinnt foar in lytse ferheging fan de OZB. Mar lokkich genoch nimt mei it oantreden fan de neie fraksje-foarsitter fan OB it duale karakter fan de ried ta. De tiid sil leare of dit allinne “praatsjes foar de faak” wiene om’t de koalysje efkes de mearderheid yn dizze rie kwyt wie. Mar as dat net sa is dan kin elke dualist hjoed oan de bak. Wy as PvdA wolle nammentlik in oantal besunigingen net. Fêst net yn 2017. Earst oerlis mei de belutsenen en dêrnei in  goed onderbouwd útstel yn de rie wêryn de effekten fan de besunigingen foar de mienskip dûdlik binne. Fanselssprekkend stiet hjir in deechlik dekkingsferhaal tsjinoer. Trije kear riede wer ús bfaorkar leit. Wy keapje hjirmei tiid om as gemeente “good governance” te toanen en wy krije wat mear tiid om te besunigjen fanût in fyzje. De kearn fan de riddenaasje fan professor Clarijs  -krektlyn útsprutsen op in OWO-gearkomste yn Wolvegea- wie: “Asto  wolst dat der yn de takomst minder bern bûten de boat falle, ynfestear dan no yn previnsje en frijedtiidsbeleid.” In wierheid as in ko. No ynfestearje yn previnsje, algemiene foarsjennings yn doarpen, goed ûnderwiis, sport. kultuer ensfh. kin foarkomme dat wy letter hege kosten krije om’t djoere help ynset wurde moat. It twadde foardiel fan ús besunigingsstrategy is dat wy de krêft fan de mienskip net ferspylje moatte. Wy sille dy mienskip hiel slim nedich hawwe om de toukes oan elkoar te knoopjen. As dat net mear slagget om’t wy de rek út de mienskip helje dan leit bestjoerlike opskaling en gemeentelike weryndieling op de loer.

Ta beslût foarsitter.

Wy ferwachtsje fan it kolleezje in moai plan foar it ynsetten fan de ekstra Jetta Klijnsma-jilden foar bern dy libje yn earmoed. Wy wolle op koarte termyn graach mei it kolleezje yn debat oer it werom dringen fan it hege oantal wurkleazen yn ús gemeente dat gebrûk makket fan de Partisipaasjewet. Dat drukt net allinne swier op ús begrutting, mar soarget  ek foar in grutte ûnwissichheid by de minsken dy it oangiet. It is tiid – om de fraksjefoarsitter fan OB te sitearjren- foar onkonvinsjonele maatregels. Dêr binne wy it folslein mei iens. Der binne nei ús betinken  kânsen om it âlde plan fan Leo Andringa “op te poetsen”. Net mei ferdringing op de arbeidsmerk, mar mei echte banen. Dat freget noch wat rekkenwurk. Yn it foarjier fan 2017 komme wy mei in ynistjatyf-foarstel. Wy hoopje dat kolleezje en ried hjiryn mei elkoar oparbeidzje kinne.

Tank oan alle minsken dy mei dien hawwe oan de begruttingswiizer. En tank oan alle minsken dy oan dizze begrutting wurke ha.

Roel Vogelzang, fraksjefoarsitter PvdA

Het bericht Algemiene skôgings PvdA Opsterlân 2016 verscheen eerst op PVDA Opsterland.